बुलेटच्या कर्कश 'फटाका' सायंलेन्सरला आता बारामती वाहतूक पोलिसांचा 'फटका'*

 *बुलेटच्या कर्कश 'फटाका' सायंलेन्सरला आता वाहतूक पोलिसांचा 'फटका'*

_बारामती वाहतूक शाखा आक्रमक; जप्ती मोहिमेत १३ सायलेंसर केले जप्त_

बारामती दि.२५:- बारामती वाहतूक शाखेने स्वच्छ~ सुंदर~हरित असलेल्या बारामती शहरात आता 'शांतता व सुव्यवस्था' राखण्यासाठी पुढाकार घेतला आहे. कर्कश आणि मोठा फटाका आवाज असलेल्या बुलेट ताब्यात घेत त्यांचे सायलेंसर जाग्यावरच काढून कारवाई करण्याची मोहीम हाती घेतली आहे. दोन दिवसात सुमारे १३ गाड्यांचे सायलेंसर जमा करून वाहतूक शाखेने दंडात्मक कारवाई केली आहे.

        गेली अनेक महिन्यांपासून बारामती वाहतूक पोलिसांनी इथल्या अस्ताव्यस्त वाहतुकीला शिस्त घातली आहे. अनेक दंडात्मक कारवाया करत बेशिस्त वाहनचालकांचे मन परिवर्तन केले आहे. मात्र एवढे करूनही कायद्याचे आणि शिस्तीचे भान नसलेल्या टुकारांना शिस्त लावण्यासाठी वाहतूक पोलिसांना परिश्रम घ्यावे लागत आहे. सध्या शहरातील वेगवेगळ्या भागात आणि महाविद्यालय परिसरात तरुणांकडे काही चांगल्या लोकांकडे सुद्धा बुलेट गाड्या वापरण्याचे प्रमाण अधिक आहे. मात्र या कंपनीने दिलेल्या या गाड्यांमध्ये मनाप्रमाणे हवा असा बदल करून या गाड्या 'मॉडिफाय' करण्याकडे टुकार तरुणांणा रस आहे. त्यामुळे कंपनीचे सायलेंसर काढून त्या जागी फटाका सायलेंसर टाकून ही वाहने शहरातील प्रत्येक रस्त्यावर मोठा आवाज काढत फिरतात. याचा नाहक त्रास लहान मुले, वयोवृद्ध, मुली, आजारी रुग्णांना होतो. याबाबत वाहतूक पोलिसांनी वेळोवेळी सूचना केल्या, दंडही केले मात्र टुकार तरुणांना याचा कसलाही फरक पडत नाही. 

      त्यामुळे अशा टूकारांवर कारवाई करण्यासाठी वाहतूक शाखेने वेगळीच मोहीम हाती घेतली आहे. बारामती शहरातल्या चौका~चौकात नाकाबंदी करून अशा बुलेटचे सायलेंसर जाग्यावरच काढून घेऊन किंवा ही वाहने थेट वाहतूक शाखेच्या दालनात नेऊन त्यांचे सायलेंसर काढून त्यांच्यावर दंडात्मक कारवाई केली जात आहे. विशेष म्हणजे जोपर्यंत काढलेल्या फटाका सायलेंसरच्या जागी दुसरा विना आवाजाचा सायलेंसर जोपर्यंत बसवला जात नाही तोपर्यंत अशी वाहने ताब्यात दिली जात नाहीत.

शिकार भाई पोलीस अधीक्षक पंकज देशमुख अपर पोलीस अधीक्षक गणेश बिरादार उपविभागीय पोलीस अधिकारी सुदर्शन राठोड यांच्या मार्गदर्शनाखाली बारामती वाहतूक शाखेचे पोलीस निरीक्षक चंद्रशेखर यादव पोलीस जवान सुधाकर जाधव रेश्मा काळे प्रदीप काळे स्वाती काजळे योगेश कातवारे जलद कृती दलाचे जवान अशोक मोरे शिवाजी बरकडे योगेश पळसे अजय आहेर हैदर जमादार सुदर्शन कदम सुभाष डोंबाळे प्रिया पावडे प्रियांका पोफळे श्रद्धा थोरात वाहतूक पोलीस जवान अजिंक्य कदम सुभाष काळे अशोक झगडे यांनी केली आहे. 

वाहतूक शाखेकडून नागरिकांना वाहतूक नियमांबाबत वारंवार आवाहन केले जाते. प्रसंगी दंडात्मक कारवाई केली जाते, मात्र तरीही काही बेशिस्त टुकारांकडून नियमांची पायमल्ली केली जाते. परंतु आता नियम मोडणाऱ्यांविरोधात कडक मोहीम राबवली जाणार आहे. फटाका सायलेंसर लावून कुणी फिरताना दिसला तर किंवा त्रास देत असेल तर +919923630652 या क्रमांकावर संपर्क करा.गाडीचा नंबर कळवा. माहिती देणाराचे नाव गोपनीय ठेवण्यात येईल.. '

      ~चंद्रशेखर यादव, पोलिस निरीक्षक